Ganga á Keili miðvikudaginn 28. maí

Stefnan er tekin á Keili annað kvöld eða miðvikudagskvöldið 28. maí og ganga þá til liðs við hóp af Reykjanesinu.  Ferðin er með leiðsögn en kostar þó ekkert :)

Til að komast að Keili er ekið af Reykjanesbraut skemmt vestan við Kúagerði en þar eru mislæg gatnamót Vatnsleysustrandarvegar.  Greiðfært er öllum bílum um Afstapahraun að Höskuldarvöllum en nákvæmlega þar ætlum við að hittast kl. 19:45

Gera má ráð fyrir að þessi ganga taki 2-3 klst og er mælst til þess að hópurinn hafi örlítið nesti með sér þar sem að stoppað verður á leiðinni og Rannveig Garðarsdóttir leiðsögumaður kemur til með að segja okkur aðeins frá svæðinu.

Án efa mjög skemmtileg gönguferð sem allir eru hvattir til að taka þátt í!   Endilega látið vita af þessari ferð í kringum ykkur ef það er einhver sem vill joina en er ekki að fara með okkur yfir Laugarveginn :)  

Sjáumst hress og kát og í rétta göngugírnum