Færsluflokkur: Bloggar
7.5.2008 | 15:02
Gönguferðir á Reykjanesi í sumar
Allar gönguferðirnar hefjast hjá SBK að Grófinni 2-4 þar sem farið verður með rútu.
Gengið er á miðvikudögum og hefjast allar gönguferðirnar kl. 19:00 og kostar 500kr rútufargjald.
Í leiðalýsingu fyrir gönguferðirnar verður tilgreint hvað þær taka langan tíma ásamt erfiðleikastigi. Í hverri gönguferð er tekinn nestispása þar sem sagt verður frá ýmsum fróðleik um nánasta umhverfi.
Vert er að benda göngufólki á að allir eru á eigin ábyrgð í gönguferðunum og þurfa því að huga að eigin öryggi.
Nánari upplýsingar má sjá hér:
http://vf.is/resources/files/GonguleidirReykjanesNetid.pdf
Einnig er hægt að nálgast upplýsingar á eftirfarandi heimasíðum www.hs.is, www.gge.is, www.sbk.is og www.vf.is.
Bloggar | Breytt s.d. kl. 15:07 | Slóð | Facebook | Athugasemdir (0)
5.5.2008 | 11:58
Enn fleiri valkostir sem bjóðast í reglubundunum gönguferðum
Kraftganga,
stundum kallað Öskjuhlíðarhópurinn æfir göngur reglulega tvisvar í viku allt árið um kring.
Tímatafla fyrir vor og sumar og nánari upplýsingar um Krafgönguhópana má sjá hér:
Bloggar | Breytt s.d. kl. 12:02 | Slóð | Facebook | Athugasemdir (0)
5.5.2008 | 11:53
Reglulegar gönguferðir fyrir þá sem vilja æfa enn meira
Góð ábending fyrir þá sem vilja stunda reglulegar gönguferðir og æfa enn betur og meira fyrir STÓRU ferðina okkar:
Útivistarræktin er vettvangur fólks til að hittast og spjalla, ganga saman og vera saman úti í náttúrunni. Gengið er tvisvar í viku allt árið og þrisvar í viku frá vori og fram á haust.
Á mánudögum kl. 18:00 í Elliðaárdalnum og á fimmtudögum á sama tíma í Öskjuhlíð og Skerjafirði. Á mánudögum er farið frá Toppstöðinni við Elliðaár og farinn hringur í Elliðaárdalnum. Gengið er upp í gegnum hólmann í ánni og vestan megin við ána upp að Vatnsveitubrú, þar sem farið er austur yfir ána. Stansað er í nágrenni Árbæjarlaugar og haldið haldið niður með Elliðaánni að austan. Gönguferðinni lýkur á sama stað og hún hófst rúmri klukkustund fyrr.
Á fimmtudögum er farið kl. 18:00 frá bílastæði við austurenda göngubrúarinnar yfir Kringlumýrarbraut í Fossvogi og gengið vestur með Öskjuhlíð, um Nauthólsvík og út í Skerjafjörð. Farið er sömu leið til baka og gönguferðin tekur rúma klukkustund eins og á mánudögum.
Nánari upplýsingar um Útivistarræktina má sjá hér: http://utivist.is/utivist/utivistarraektin/
Bloggar | Slóð | Facebook | Athugasemdir (0)
29.4.2008 | 21:16
Fjallageitur hefja göngur sínar
Fjallageiturnar hefja göngur sínar
Hópur góðra vina sem kynnst hafa á vinnustað og undirbýr FERÐINA STÓRU í sumar
Nokkur ævintýri á gönguför eru fyrirhuguð til að hita upp og koma sér í form.
Stefnan er tekin á Þórsmörkina þann 24.júlí í sumar.
Liðka þarf nýju gönguskóna svo engin verði hælsærin til að spilla ánægjunni þegar á hólminn er komið.
Fyrsta alvöru æfinga ganga sumarsins verður sem sagt núna á laugardaginn!
Ganga í Elliðaárdalnum
Laugardagurinn 3. maí frá kl. 10:30 - Hópurinn hittist við Árbæjarlaug
Markmið: Að koma sér í gott gönguform í Elliðaárdalnum
Húsráð: Að klippa táneglurnar niður ef fólk vill á annað borð halda tánöglunum:)
SÍÐAN HÖLDUM VIÐ UPP Í MÓTI
hjá stöðvarhúsi Elliðaárvirkjunar á hleðslunni framhjá félagsheimili Orkuveitunnar Árbæjarmegin. Farið verður yfir stífluna stífluna aftur og þaðan beint upp í Hólahverfið í Breiðholtinu Þaðan er stígurinn fyrir neðan einbýlishúsin í Hólahverfinu genginn í átt að Árbæjarlauginni.
Farið yfir litlu brúnna og komið að Árbæjarlaug.
Það er síðan aldeilis tilvalið fyrir hressa göngugarpa að enda ferð sína í Árbæjarlauginni og halda svo glaðir heim í helgina.
Sérlegur skipuleggjandi þessarar ferðar er meistari Jón Helgi.
Verið er að plana ferðir á Keili, Akrafjall og Esjuna svo eitthvað sé nefnt en þær verða auglýstar um leið og dagsetningar liggja fyrir.
ps. tvísmella þarf á myndir til að stækka þær.
Bloggar | Breytt s.d. kl. 21:32 | Slóð | Facebook | Athugasemdir (0)